Bones sensaciones nel empate escontra L’Entregu

Esta vegada visitonos L’Entregu CF , un equipu que va aspirar a tar na metá alta de la clasificación y que venía con dos excearistas a los mandos: Redondo nel banquín y San Eloy nel verde.

La nuesa alliniación inicial formáronla: Pablo, Fonsi, Lozano, Rigo, Óscar Ruiz, Pichón, Pablo Martínez, Martín, Pelayo Torre, Jimmy y Ponte.

Con esti equipu atentamos de controlar el partíu y vimos a una primer parte con dalgún ratu de bon xuegu y otros momentos d’imprecisiones y balones llargos; lo habitual en pretemporada. Un disparu de Martín esmolió a Rodri. Nel minutu 30 Meana sustituyó a Pablo Martínez. Na meyor ocasión de la primer parte, una bona internada de Ponte, bien batallador, acabó con un disparu descomanadamente cruciáu del ex del Veriña.

Nel descansu Rubo y Galache sustituyeron a Ponte y Pelayo Torre respectivamente. La segunda parte entamó con L’Entregu apertando un pocu más anque ensin crear ocasiones clares. Sicasí nel minutu 60 Riki, con un bon remate bombiáu, superaba por altu a Pablo poniendo’l 0-1 nel marcador. Poco dempués entraron al campu Kike por Pablo y Borja Argüelles por Martín. Tres unos minutos de tracamundiu amoriaos pol gol, el Ceares amosó’l so meyor cara, con bones combinaciones y apoderando claramente l’alcuentru. Frutu d’esto Pichón dexónos el detalle del partíu, y ante un balón colgáu, afíxose y remato de tisoria poniendo’l balón llueñe del algame de Rodri, empatando’l partíu. Nos siguientes minutos Rubo convirtiose en protagonista del partíu colos sos continuos desmarques. Primero unvió un balón al palu solu delantre del porteru y de siguío recibió un pase de la muerte pero nuna posición bien forzada’l balón fóise-y enriba. Nun acabaría ende; poco dempués volvió superar en velocidá a la defensa entreguina, pero en siendo cargáu y agarráu llixeramente’l so disparu cruzáu perdiose pola llínea de fondu. A falta de 15 minutos saltó al prau Fran Dos Santos sustituyendo a Jimmy, y el delanteru tamién intentó cola so velocidá superar a la defensa local pero tampoco tuvo fortuna. Col partíu languideciendo Jorge Marcos sustituyó a Fonsi y Hevia a Óscar Ruiz.

Pese al emburrie nos minutos finales, como yá asocediera ante Avilés, Sporting DH y Candás, nun pudimos llevanos la victoria pero sí delles bones sensaciones.

Prósimos partíos:
– Sábadu 10 de Agostu, 12:00 en Braña Sur: SD Llano 2000 – UC Ceares
– Sábadu 10 de Agostu, 19:00 n’Argüeru: Argüero – UC Ceares