Una visita siempre esperada
Esti sábadu a les 18:00 de la tarde va visitanos en La Cruz unu de los equipos llamaos a lluchar pol ascensu a 2ªB. Va visitanos el Real Oviedo B.
El conxuntu que dirixe Iván Palacios vien de ganar na primer xornada a tou un Universidá d’Uviéu por dos goles a cero. Dambos tantos fueron anotaos por Pablo Coutado, unu de los xugadores qu’entá sobreviven de la temporada pasada.
Pa esta campaña, el filial carbayón basó’l so plantel n’anovar a dellos xugadores importantes el cursu pasáu (tales como Rúa o’l mesmu Coutado) y reforzar l’equipu con munchos de los futbolistes que suben de la División d’Honor. Amás llegaron futbolistes provenientes d’equipos uvieinos como Iván Fernández del Covadonga o Pelayo, autor de 26 goles na Unión Comercial l’añu pasáu.
El nuesu equipu nun tien baxes pa esti partíu. Consiguiose’l primer puntu nuna salida difícil como la visita’l Urraca, que los últimos años nun se nos da del tou mal.
L’añu pasáu y magar empezar perdiendo, llogramos sacar un puntu que pudieron ser trés si Jimmy nun llega a fallar solu delantre del porteru.
Recordamos a tolos aficionaos ciaristas que nun hayan entá anováu’l so abonu pa la vixente campaña, vaigan con tiempu a La Cruz con ánimu de que toos tengan tiempu de faelo antes del empiezu del partíu.
¡PUXA CIARES!