Aniciu de la competición, campaña de socies y campaña de captación de sponsors.
L’aniciu de les competiciones faenos entamar la campaña de socies 20/21.
Nes prósimes selmanes va ser ya posible facese socia/u del club y también renovar o sumase como empresa o establecimientu patrocinador. Sicasí teniendo en cuenta les circunstancies nes que tamos, tomáronse les siguientes midíes:
- Nenguna persona que nun renueve esti añu va perder la so condición de socia ni el so númberu. El carnet de la temporada 19/20 siguirá valiendo pa les asamblees que puedan cellebrase mientres la presente temporada cuando la situación sanitaria lo permita ya aconseye. Esto quier decir que van mantenese tolos drechos como sociu/a a quien nun renueve menos l’accesu al campu los díes de partíu.
- Nengún patrocinador que nun pueda hacer frente al pagu del so patrociniu, sea parte o tou, verá la so publicidá retirada salvo que comunicara la intención de nun continuar. Intentaremos siguir sofitando al comerciu del barriu y ayudar dientru les nueses posibilidaes a la so recuperación, entendiendo qu’un barriu prósperu no económico ye fundamental pa tener un barriu prósperu en lo social y lo deportivo.
Esto nun asocede baxu les circunstancias ideales ni les que deseyáramos y por ello ye fundamental, entovía más de lo que lo que yera n’años anteriores, contar con toles persones que componemos el club en toles sos facetes ya estamentos.
Pidimos a aquelles personas que nun tean en mala situación económica que faigan el so aporte anual al club, ya que los gastos que tenemos que afrontar esta temporada son asemeyaos a los de temporades anteriores, mientres qu’ingresos como por exemplu les taquilles pueden caer o incluso escaecer dafechu polos llímites d’aforu.
Los precios de la campaña de socios/as van ser los que tienen vixencia anguaño y que tan aprobaos na asamblea del club. Va introducise un abono no personal pa establecimientos que quieran sofitar al club con una pequeña cantidá, qu’anunciaremos nos próximos díes.
Precios