Conveniu de collaboración específicu pa lo que cinca al fútbol femenin ente’l Gijon Futbol Femenino y el Real Sporting de Gijon.
El finxu cimeru d’esti conveniu ye’l de sumar fuercies pa convertir a la ciuda de Xixón n’un referente del fútbol femenin a tolos niveles.
Los oxetivos del conveniu son la formación de futbolistes nes condiciones más afayaices, ser quien a axuntar mas futbolistes de toles edaes ya desendolcar los primeros equipos de dambos clubes pa que cada unu algame’l so potencial.
El conveniu acolumbra tamién una filosofía nes rellaiciones ente clubes que s’afita na collaboración, onde dambes entidaes alderiquemos pa cuntar siempres con plantilles competitives, mesmo no que cinca al numberu qu’a la calidá, agüeyando pa los oxerivos que se marquen pa cada equipu y categoría.
L’intercambiu de conocimientu ya’l seguimientu a les deportistes na disciplina de dambos clubes ye otru finxu quizaleru, col oxetivu de qur facilitar que les deportistes seyan a algamar el so máximu nivel y compitan na categoria mas alta que les sos capacidades-yos permitan.
Cola robla d’esti conveniu creamos una estructura na ciudá que va dende prebenxamín fasta, como ye l’oxetivu, la estaya más alta del fútbol femenín nacional, como acontez en ciudaes que son referencia nel fútbol femenín.
Esta firma sigue la llinia collaborativa qu’anda a la gueta de sinerxes dientro’l fútbol entamada pol club fae unos años cola intencion de que nun revierta namás que nel beneficiu del propiu club, sinón pa una meyora global del fútbol femenin.