L’U.C. Ceares y Pablo Busto estremen los sos caminos.

El tiempu de Pablo Busto como entrenador del U.C. Ceares va finar a lo cabero d’esta temporada.

Dambos, entrenador ya club, algamemos l’alcuerdu de poner el ramu a esta bayurosa etapa qu’entamó nel branu de 2020 y que mos traxo a La Cruz el primer campeonatu de Tercer División de la nuesa hestoria, asina como l’ascensu, y darréu l’esfrute, d’un añu na 2a RFEF na que visitemos campos como Pasarón y L’Helmánticu. Ente los llogros d’esti periodu ta la nuesa primer participación na Copa’l Rei, na que perdimos 0-1 escontra’l Sporting en El Molinón delantre milenta persones.

A lo llargo d’estos dos años Pablo foi un exemplu de profesionalidá ya empeñu, dende’l primer día fasta l’últimu. Despedímosnos con un “ta llueu” del entrenador del meyor Ciares de la hestoria, que dexa La Cruz siendo yá un ciarista más y recibiendo, ensín dal dubia, el ciñu de tola afición teyera.

Gracies por facemos suañar… y suerte a esgaya, Pablo.