Xornada de tecnificación conxunta col Real Sporting

El postreru vienres, la Escuela de Fútbol de Mareo fue’l llugar elexíu pa un nuevu fitu na collaboración ente’l Real Sporting ya’l Gijón Fútbol Femenino. Los equipos infantiles d’ambos clubes axuntáronse nuna xornada de tecnificación, una iniciativa que va repetise cada mes la prósima temporada.

Baxu la dirección de Jony, Andrés Ribas y Julio Cortina, les moces de dambos clubes tuvieron la oportunidá de participar nuna serie d’exercicios atalantaos p’ameyeroar la so técnica individual. Estos exercicios, que nun formen parte del avezu les futbolistes, faen a les xugadores restolar nueves formes d’ameyorar el su desendolcu nel campu. Na sesión, les futbolistes dixebráronse en grupos pa facer dellos exercicios, incluyendo rondos, posesiones y cuadros reducíos, lo que-yos permitió compartir espacios ya esperiencies.

Estes sesiones tan dientru una visión compartida por dambos clubes que pon l’ameyoramientu del fútbol femenín nel conxuntu la ciudá nel cientru’l tableru. Mientres cada club tien los sos propios oxetivos, estes sesiones conxuntes demuestren que la collaboración puede ser una ferramienta per bona pal crecimientu, el desendocu y l’amalgamientu d’estos oxetivos, asina como l’ameyoramientu del fútbol femenín en Xixón, lo qu’ensin dulda va ser positivo pa dambos clubes ya otros na nuesa ciudá.