[Ciares 0-2 Cuadonga] El Cuadonga frena’l Ciares
![El UC Ceares perdió esta tarde su imbatibilidad en La Cruz ante el CD Covadonga./ CHUS MONTESERÍN](https://www.ucceares.com/wp-admin/admin-ajax.php?action=kernel&p=image&src=%7B%22file%22%3A%22wp-content%2Fuploads%2F2014%2F01%2Fceares_covadonga_borja_arguelles.jpg%22%2C%22thumbnail%22%3A%22%2C%22%7D&hash=8ae1e240)
Partíu de poder a poder l’apostáu esta tarde en La Cruz. Enfrentábense per un sitiu el Ceares, segundu na tabla ya invictu como local, col Cuadonga, qu’encadenaba 14 partíos ensin perder. Dambos equipos demostraron que van lluchar por tolos oxetivos hasta’l final.
El Cuadonga llevó más el pesu del partíu mientres los 90 minutos reglamentarios. Nachu Cabu volvía modificar l’esquema, Borja Argüelles volvía a banda, Pablo Martínez asitiábase como pivós, y yera Rubo quien xugaba en punta. Rubén, xugador rápidu pero bien combinativo, tocaba de cara y busca más el toque que’l vertical Argüelles.
![El UC Ceares perdió esta tarde su imbatibilidad en La Cruz ante el CD Covadonga./ CHUS MONTESERÍN](https://www.ucceares.com/wp-content/uploads/2014/01/ceares_covadonga_borja_arguelles-590x267.jpg)
Les primeres ocasiones fueron visitantes, disparu que sale llambiendo’l palu tres gran xugada, y llanzamientu de falta que se va alto. El balón yera visitante, y el partíu apostábase en campu local.
Ciares 0 – 2 Cuadonga
Ciares: Kike, Fonso, Lozano, Borja Noval, Aitor Cañedo (Óscar Ruiz 30´), Juan Carlos, Pablo Martínez (Meana 90´), Borja Argüelles, Jimmy, Pelayo Torre, Rubén Montequín (Ponte 70´)
Cuadonga: Rodri, Piero, Colo, Clemente, Negredo, Jorge, Jaime (Prada 90´), Vicente, Porto, Allison, David (Pablo 65´)
Goles:
0-1: Allison 77′
0-2: Piero 90′
Árbitru: Romero García. Mal. Amonestó a Rubo, Pelayo Torre, Fonso y Lozano polos locales, y a Pablo polos visitantes.
Incidencies: Partíu xugau na Cruz ante 400 espectadores. Estáu del terrén de xuegu irregular por cuenta de les agües cayíes nos últimos díes.
La primer llegada bricker clara nun llegó hasta’l minutu 30, Óscar Ruiz, acabante ingresar al campu sustituyendo a un mancáu Aitor Cañedo, disparaba centráu nuna perrápida contra.
Siguíen apertando los visitantes, sicasí, a puntu tuvo d’adelantrase’l Ciares na última xugada de la primer parte. Óscar Ruiz sacaba cerrada una falta y por centímetros nun llegaba Borja Noval a rematar col porteru visitante batíu.
La segunda parte empezaba movida. Primero Borja Argüelles nun llegaba a emburriar un balón sueltu a portería vacida, y darréu, yera’l Cuadonga’l que fallaba a puerta vacida.
Rondaba’l gol l’equipu uvieín, ante un Ciares más parapetau de lo habitual, buscando les contres. Nel minutu 77, y cuandoquier prevíase, disparaba Allison, toa una velea pa la defensa teyera, y Kike nun atinaba a estenar. 0-1 y pocu tiempu per delantre.
D’ende a la fin llegaron los meyores momentos de los locales. Pelayo Torre revolviose na frontera de la área, pero’l so disparu salía mordíu anque afechu. Juan Carlos remataba fora per pocu un centru dende banda esquierda. Pablo Martínez llanzaba una falta dende la frontera de la área. Y tamién se produció la xugada polémica del partíu, nun penalti que paeció claro cometíu pol porteru visitante nun centru local.
Col Ceares entornáu, y yá col tiempu cumplíu, Piero engabitaba un gran disparu dende fora de la área que se convertía nel 0-2.
Aplausos y cantaraes de l’afición. Na derrota más que nunca se demuestra la categoría d’esti humilde club. El sábadu en Llugones vuelve a la llucha.