Dexonos José Ramón Ortiz Peláez
L’históricu sociu del club dexónos esti 4 de Xineru n’asistiendo a la xornada matutina en La Cruz.
El pasáu domingu non tou fueron allegríes pa la familia ciarista, yá que como pudimos saber esa mesma tarde dexábanos unu de los nuesos socios más fieles, venceyáu mientres tola so vida al U.C. Ceares.
D. José Ramón, de 87 años d’edá, taba xubiláu de la Xunta del Puertu de Xixón y yera amás vecín del barriu, como lo foi’l so hermanu Pepe, histórica figura del Sporting. Ensin dulda una familia xunida al fútbol y al barriu de Ciares.
Dende’l club queremos da-y el más sentíu pésame a la familia, según honrar l’alcordanza de José Ramón y estima-y toos estos años de fidelidá y amor pol so club.
El próximu domingu va haber un minutu de silenciu na so alcordanza antes del partíu ante’l C.D. Roces.