Renueven Miguel Méndez, Hugo Álvarez y Natan
Tres renovaciones nueves confirmaes: los defenses Miguel Méndez y Hugo Álvarez, y l’estremu Natan, siguen en La Cruz.
Miguel Méndez Fernández “MIGUEL” (Uviéu, 1996) renueva otra temporada. Tres completar un añu buenu nel estrenu na categoría senior, el xoven central Miguel va continuar esta temporada na exa de la zaga teyera.
Hugo Álvarez Fernández “HUGO ÁLVAREZ” (Xixón, 1992) firma la renovación y sigue en La Cruz. Llegáu casi cola lliga empezada, Hugo comenzó a facese con un güecu nel sistema defensivu de Miguelín, pero postreramente unos problemes personales impidieron-y siguir nel equipu, volviendo pa la temporada entrante.
Natan Tejada Albarrán “NATAN” (Xixón, 1991) renueva y continua otra temporada. Na so primer temporada en La Cruz, el rápidu extremu ganóse’l disfrutar de munchos minutos, tanto como titular como nes segundes partes pa revolucionar el partíu, y buscará siguir faciéndolo la presente temporada tres renovar.