El Gijón Femenino caltién el bloque

El Gijón Femenino entama la pretemporada, col mesmu bloque del ascensu, y en busca de la permanencia.

Dempués d’algamar l’ascensu a Segunda División, el Gijón Femenino caltién a casi la totalidá de la plantiya, ya incorpora a cuatro xugadores pa suplir les baxes. Col ex xugador del U.C. Ceares, José María Luengo, al mandu, quince xugadores continúen na disciplina del equipu: la capitana Tifi, Zara, Ana Simón, Mayra, Marina, Trevi, Gemma, Jessi, Paula, Elvira, Maribel, Aida, Sara Calvente, Lydia y Vane. De cara a la vuelta a Segunda División, causen baxa nel club Elena y Nuria, que fichen pol R. Sporting de Gijón ‘B’, y Ana Gamundi que se retira. Pa supliles lleguen la portera Lorena Couceiro (Langreo Femenino), así como Ariana Alonso (El Berrón C.F.), Claudia Penayos (sin equipu) y Laurita Ramos (Oviedo Moderno).

Les pupiles de Luengo entamaron a entrenar en La Cruz el 28 de xunetu, cola vista puesta nel 4 de setiembre, día que van empezar la lliga visitando Vigo pa medise al Atlántida de Matama, debutante en Segunda División.

Una temporada que se prevé mui dura y esixente, cola obligación de cambiar de mentalidá cola categoría nueva pa batallar cada partíu y tratar d’algamar la permanencia, ensin renunciar a nada.