[Ciares 1-2 L’Entregu] A chascu por selmana
Derrota dura la encaxada pol Ciares frente a L’Entregu, que lleva los 3 puntos nel descuentu.
El debut en lliga nun fuera l’esperáu. Compitiérase bien contra el Sporting B durante la Copa Federación, pero la goliada recibida en Mareo el domingu pasáu provocaba eso mismu: Mareos.
Ciares 1 – 2 L’Entregu
Ciares: Davo, Iván, Aitor, Beni, Chery, Juan Carlos, Dani Peláez, Pablo Martínez, Cayarga, Marcos Iglesias, Javi Gutiérrez (Natan 81′)
L’Entregu: Jairo, Vallina (Leyder 46′), Gabancho, Noé (Omar 75′), Guillermo, Martín, Meana, Álex, Adrián (Dani 66′), Chelo y Mati
Goles:
0-1: Martín 21′
1-1: Pablo Martínez 76′
1-2: Leyder 92′
Árbitru:
Valdés Díaz, del Colexu d’Uviéu. Amonestó a Juan Carlos, Marcos Iglesias y Cayarga polos llocales, y a Meana, Adrián y Omar polos visitantes.
Incidencias:
350 espectadores nel Municipal de La Cruz pa l’estrenu como llocales na temporada 2016/2017 del Grupu Segundu de la Tercer División. Terrenu de xuegu en condiciones perfectes. Guárdábase un minutu de silenciu pol fallecimientu de la güela del xugador llocal Miguel.
Por ello esperábase la visita de L’Entregu, equipu recién ascendíqu pero mui bien reforzáu. De fechu venía de ganar como llocal al potente Tiuya, Sin embargu, esperábase’l partíyu pa llavar la imaxen y llevantar la moral. Sin embargu, esta derrota tamién duel. Y muncho.
Cambiaba’l dibuxu Tino. Quedaba nel banquín Hugo, que venía actuando como stopper per delantre de la defensa, y entraba Javi Gutiérrez a xugar arriba xunto con Marcos. Un esquema muncho más ofensivu, yáque la pareya de mediocentros, Juan Carlos y Dani Peláez, son xugadores de perfil más atacante que defensivu.
Empezaben meyor los visitantes, que apenes comenzáu’l partíu tenía la primera ocasión, nun balón peináu a bocaxarru que desviaba de manera fantástica Davo abaxu.
Poco a poco foi’l Ciares faciéndose col balón, y llevando les riendes del partíu. Marcos recibe y xuega de cara, y Pablo Martínez y Jorge Cayarga, xugadores de banda, asóciense y van escontra’l centru. Sicasí, nun se llegaba a puerta y constaba terminar las xugaes.
Diben adelantase los visitantes nuna xugada pela carril central, con pase ente llínies y finalización de Martín nel mano a mano con Davo.
La ocasión más clara foi pa Jorge Cayarga. L’ex del Avilés entró pela banda izquierda pero nun pudo finalizar la xugada al llegar escoráu.
Antes del descansu, el sustu. L’exciarista Berto Vallina pegaba contra la valla al forcexar con Marcos y tenía que dir pal hospital al sufrir un corte profundu.
Na segunda parte’l Ciares foi muncho meyor. Avisaron nun llanzamientu de falta dende la banda derecha, que a puntu tuvo Aitor de cabeciar nel segundu palu.
Pablo Martínez servía un aperitivu de lo que nos diba dar dempués, al finalizar una buena xugada con un disparu duru dende la frontal que despexaba’l cancerberu visitante con apuros.
La meyor, pa Marcos Iglesias, marcha pela banda izquierda y resuelve de manera sorprendente col esterior del pie derechu, pero se-y diba arriba’l balón.
El gol, llanzamiento maestru de Pablo Martínez dende la so posición favorita. Media lluna del área, llixeramente a la izquierda. Ponla penriba la barrera y sube l’empate al marcador.
Quedaben 15 minutos y paecía’l partíu pa los llocales. Sin ocasiones pa nengún de los dos equipos, el balón yera llocal. Sin embargu, cuando menos lo paecía, y tres de dos rechaces, L’Entregu marcaba’l segundu gol y bañaba n’agua frío a los siguidores llocales. Agora, a pol Tiuya.