“Chema” nun va siguir dirixendo a la primer plantiya
Tres poner l’entrenador el so cargu a disposición de la xunta directiva, ya’l conceyu asocedíu na mesma, va camudase la persona que ocupe’l bancu teyeru.
Nel fútbol los resultaos nun siempres acompañen al trabayu, pero los resultaos manden. Esa fue la conclusion del conceyu entre cuerpu técnicu y xunta directiva del club del que desemboquen nel abandonu de José María González del banquillu del equipu de 3ª RFEF.
Dende’l club agradecemos al entrenador ya’l so cuerpu técnicu el so compromisu, conocencia y profesionalidá, y deseyamos-yos suerte nos sos siguientes proyectos que de xuru van tener mayor recompensa.
El técnicu del club Julio Cortina va ocupase de la primer plantiya de forma interina mientres el club incorpora un nuevu técnicu.