[Ciares 2-0 Mosconia] El Ciares bombardea La Cruz

L’equipu de Nacho Cabo celebra la so particular hispanidá bombardeando al Mosconia, que dexaba buena imaxe, a golpe de golazu y apunten alto.

Y ye que la primer parte yá daba tol aspectu de partíu duru pa los llocales. El Mosconia, equipu mui mozu, con plantábase con transiciones rápides les inmediaciones del área de Nacho con bastante facilidaçá. Sicasí, bien l’último pase o bien la definición los privó de collecha de mayor botín nos primeros 45 minutos.

De fechu la ocasión más clara nesta primer metá foi pa los visitantes, al aprovechar que Nacho taba un poco adelantáu pa probar pelo alto, pero’l balón marchaba por poco.

Optó Cabo por un centru del campu llaboriosu, con Josín y Pablo Martínez xunto con Pelayo Torre. Natan pela banda derecha, Juan pela esquierda y Jony arriba. Rafa Felgueroso, “rookie del añu”, afianzábase como central tres les baxes d’Aitor y Fonso.

Al descansu daba la sensación de partíu igualáu, con un Mosconia mui seriu ensin fisures. La so clasificación pues nun yera casual, al llegar a la Cruz en puestu cómodu tres sumar 13 puntos.

Sicasí, el Ciares desmelenábase nos segundos 45. Primero Jony a puntu taba de marcar. Dempués yera Pablo Martínez el que disparaba abaxo al palu curtiu, pero refugábala’l cancerberu moscón de forma poco ortodoxa.
Poco dempués, Juan Menéndez echaba embaxo La Cruz. Falta cometida sobre Jony, perfilada pa un zurdu. El disparu del finu mediapunta superaba la barrera y subía’l primeru al marcador.

Yá más cómo’l Ciares pudo aumentar la renta per mediu de Josín, tres d’una dexada de cara de Javi Gutiérrez. Llatigazu tremendu a media altura axustáu al palu.

El Ciares yá ye sestu, y sigue con tendencia al alza. Siete xornaes ensin perder sumen los teyeros, que rinden visita a un Pravianu tamién en buen momentu’l fin de selmana que vien. ¡Que siga la racha!