[Colunga 0-3 Ciares] Goliada Plus

Gran partíu del Ciares que pasa penriba d’un imbatíu Colunga como llocal y dexa a los teyeros a ún puntu de los puestos de promoción.

[youtube]https://www.youtube.com/watch?v=8EkD6pvgHRY[/youtube]

Nun yera un horariu habitual. Tocaba viaxar de llunes, aprovechando los difuntos. Colunga tampocu yera un desplazamientu habitual, llegaba esti añu a la Tercera. Sin embargu, fíxolo per tolo altu. Fichaxes de caláu, algunu mui conocíu nel mundillu. Por exemplo Dani Borreguero, mediu centruque que facía pareya con Samuel (agora tamién en tercera) qu’a puntu tuvieron de llevar a primera al Sporting de Marcelino. O Naya, hábil delanteru qu’apuntaba más arriba de Segunda B. Y Sergio Rodríguez, ex xugador del archiconocíu equipu “Contra’l Fútbol Modernu” United of Manchester.

El Campudel del Colunga tien un ambiente especial. Asitiái xunto a la carretera que xune’l so pueblucon con Llastres rezuma golor a fútbol de siempre. Nin tan siquiera una grada, sólu na gran valla de cemento separta’l terrén de xuegu del públicu, que rodea’l campu.

Nun llegaben los equipos nel so meyor momentu. El Ciares venía d’encaxar la so primera derrota en casa, tres d’un mal partíu, frente al Llanes. El Colunga, con un comienzu demoledor, salía goleáu del siempre complicáu Hermanos Antuña.

Aitor volvía a la titularidá, formando pareya con César nel mediu del campu. Y Pablo Martínez asitiábase nel so puestu habitual, per delantre d’ellos. Natan y Cris yeren les dos bales pa les bandes. Arriba Marcos Iglesias atopábase más solu de lo avezáu, tres de la lesión d’Álvaro Ponte la pasada selmana.

L’entamu del alcuentru yá foi demoledor. Natan movióse como pexe nel agua, trayendo a Pola, llateral esquierdu del Colunga, de cabeza. Díbase per ambos llaos, sólu faltaba qu’algún de los centros acabara en remate.

La primera foi pa Pablo Martínez. Disparó duru dende la frontal buscando la escuadra. Y un remate en propia puerta de la defensa llocal a puntu tuvo de terminar en gol. Apretaba’l Ciares, mui superior a los llocales. A los xugadores del Ciares notábase-yos cómodos, llegaben constantemente y nun sufríen atrás. Sin embargu pasaben los minutos y nun llograben abrir la lata.

Na enésima escapada de Natan dende banda derecha llegaba’l penalti. Vase ente llateral y estremu y ye ésti últimu’l que lu derriba. Él mesmu llanzaba’l penalti y adelantaba a los d’Eraña.

El segundu gol llegó d’actu seguíu. Gran combinación ente Pablo Martínez y César. Ye Pablo el que-y pon el balón al espaciu pa Cris, que-y la sirve en bandexa a Marcos pa que nel segundu palu fusile.

Sensación al descanso de partíu resueltu. El Ciares nun sufría, el Colunga veíase impotente, y arriba teníen tresformáu dos. Nun podía escapase l’alcuentru.

Pese al intentu del Colunga de venise arriba, pronto se peslló definitivamente’l partíu. Rápida contra bricker, con balón pa Cris que, tres romper dos vegaes al defensa, cayía derribáu dientro l’área.

Disparaba Marcos abaxu a la derecha del porteru, pero atayaba l’arqueru. L’árbitru mandaba repetir. Disparaba Marcos abaxu a la derecha del portero, gol.
Agora sí que col partíu vistu pa sentencia, el Ciares xugó comodísimu, con un Colunga que trataba de marcar el gol del honor. Sin embargu, los llocales taben más pendientes de protestar al árbitru que d’iguar errores.

Chus Naves, qu’entró na segunda parte por Cris, pudo xunise a la fiesta, pero’l so remate col interior del pie esquierdu despexábalu’l porteru. Tamién Rubo, remataba axustáu al palu un centru llateral. Pero la meyor xugada de la segunda parte firmábala Pablo Martínez, que tres gran combinación disparaba demasiáu cruzáu. César disparaba un pocu altu, tres d’otra gran xugada. El Ciares exhibíase.

Pa’l Colunga, la más clara foi una indecisión ente Beni y Davo que terminaba col balón rozando’l palu tres llegar antes al delanteru visitante. Pocu pa lo que s’esperaba d’ellos.

Aplastante Ciares, que se coloca a un solu puntu de la promoción. Meyora la imaxen del últimu partíu y repite la del anterior, la del Covadonga. Agora toca un Pravianu n’hores baxes, rozando’l puestu de descensu. Los d’Eraña tienen una gran ocasión pa presentar credenciales. Col xuegu de güei, dende llueu paez probable.