[COMUNICÁU OFICIAL] Alcuerdos qu’entren en vigor nesti 2025
Dos alcuerdos importantes algamaos mientres el 2024 entren en vigor nesti 2025 qu’acabamos d’estrenar.
Tanto UC Ceares como Gijón FF, nel so enfotu por meyorar la collaboración, la vertebración y al recuperación de la identidá nel barriu de Ciares, cola coordinación de la A.VV. Esto Ye Ciares, algamamos en 2024 dos importantes alcuerdos que se materialicen nesti 2025 y que se presentaron ayer col brindis de nuechevieya. Son los que vienen darréu:
Accesu abiertu pa los abonaos / socios de los clubes de Ciares
Los socios/es o abonaos/es de los clubes de Ciares (Balonmano Gijón, CD Manuel Rubio, UC Ceares y Gijón FF) podrán accedes a los partíos de los otros clubes del barriu coles mesmes condiciones de los propios abonaos / socios d’esi club. Con esto esperamos crear una masa social conxunta que vincule a los clubes y ameyore les asistencies a los partíos.
Alcuerdu de collaboración ente’l Gijón FF ya el CD Manuel Rubio pal fomentu del fútbol femenín
Sicasí los primeros pasos diéronse nel 2024, nesti 2025 oficialízase l’alcuerdu de collaboración ente’l Gijón FF ya’l Manuel Rubio pa facer del barriu de Ciares el barriu del fútbol femenín, incrementando la presencia femenina nel CD Manuel Rubio, trabayando conxuntamente pal crecimientu d’ambos clubes y faciendo un usu más paritariu de les instalaciones.
Dos acuerdos per importantes pa tolos clubes implicaos, pero también pal barriu de Ciares, que va ver fortalecida la vinculación de munchos de los sos vecinos, y va disponer d’una ofierta deportiva presencial, a pie de campu o pista, muncho mayor.
¡PUXA CIARES!