Despedímonos de La Cruz en pretemporada ante’l Lugones

Mañana a partir de les 19:30 visítanos en La Cruz l’Atléticu de Lugones no que va ser l’antepenúltimu choque amistosu de la pretemporada. El conxuntu sierense remató la pasada campaña en decimposéptima posición empatáu a 42 puntos col Llanes (baxáu) y el Gijón Industrial. Tres una más qu’aceptable primer vuelta a les ordes d’Alejandro Valdés, los blanquiazules fendiéronse llegando a coquetear hasta la penúltima xornada colos puestos de descensu.

Nun nos va resultar un partíu fácil pues tras vese col agua al pescuezu l’añu pasáu y, en vistes de nun repitir los erros pretéritos, la secretaría técnica del nuesu rival trabayó bien duru. Pa esta campaña, el que fuera sustitutu de Valdés a mediaos del pasáu cursu, César Suárez, anovó a gran parte de los pesos pesaos del vestuariu de Santa Bárbara como’l porteru Dani Güerta, el central Javi Tapia (ex del Caudal), l’ex cearista Pablo Prieto o’l goliador Juan Sánchez. Amás, fueron recuperaos tres les sos cesiones al Mosconia los futbolistes More y Ardura y, ente otros fichaxes, destaquen los trés ex candasinos Imaz, Zapico y Jorge Fidalgo y l’ex del Uviéu Vetusta Efrén Urrutia.

Pela nuesa parte despidímonos de La Cruz esta pretemporada en ganando topetar ante’l Llanu2000 y Argüero consecutivamente el sábadu pasáu. Animámosvos a allegar a guardar el partíu nel día grande de les fiestes de la nuesa ciudá. Recordamos que la entrada pal mesmu va ser la voluntá como asocediera ante L’Entregu. Tres esti alcuentru, solamente va quedanos Traingular de Roces ante l’equipu local y l’Avilés B (el sábadu) y el tradicional partíu ante’l Manuel Rubio en Los Pericones el día 21.

¡TOOS A LA CRUZ!