Entrega de material escolar

¡Yá tenemos clasificáu tol material escolar que recoyimos mientres la nuesa campaña!

Güei empieza’l cursu pa tolos alumnos d’infantil y primaria. Entendemos por eso que toles families recibiríen yá un llistáu con tol material necesario pal cursu 13/14.

Por ello, mientres lo que resta de selmana, esto ye, güei xueves y mañana vienres n’horariu de 19:30 a 21:00h, tolos socios del Ceares con condición de paráu, van poder apurrir nel chigre de La Cruz la solicitú del material que precisen.

Habilitamos tamién pa tal efectu un corréu onde podrán faese llegar les demandes:  talleres@ucceares.com

Pa formalizar la solicitú, tien d’incluyise:

1. Nome y apellíos del solicitante
2. Nº de sociu del U.C. Ceares
3. Teléfonu de contactu
4. Detalle del material escolar necesariu.

Añedir que vamos atender toles solicitúes por estrictu orde de llegada.

Finalmente estimar a toles persones que collaboraron con dichu fin. Ensin la so collaboración esto nun fuera posible.

Postreros en dineru, primeros en corazón.