[Fútbol Base] Los xuveniles con fame de play-off

Los de Manolo enxaréten-y un contundente 0-9 al Lloreda y asítiense en tercer posición, a un solu puntu del segundu y ocho d’un implacable Codema, líder invictu.

Resulta difícil dicir daqué nuevu d’un equipu Xuvenil que n’habiendo madurecíu y dexáu tras la relaxación que los acompañó nel final de la primer vuelta, arregla los sos partíos contra rivales teóricamente inferiores con una contundencia y autoridá totales, y diríxese con pasu firme escontra’l segundu puestu, ensin arrenunciar a una pinchada d’un Codema que sigue invictu y a pesar d’ello a ocho punto de los teyeros.

Otru equipu que ta empezando a recibir premiu pola so constancia y el so progresu ye l’alevín, que compitió a un nivel escelente contra La Braña B, equipu de la metá alta de la tabla, y que en remontando en dos causes un marcador adversu viose quitáu de la victoria nel últimu minutu por una decisión arbitral bien discutible, siempres dientro de lo complicao que ye l’oficiu del arbitraxe.

En benxamines, victoria pal A, empate pal B, y derrota pal C, nun apostáu partíu contra la Quinta San Eutiquio (4-3), otros veteranos de la categoría al ser tamién de segundu añu, la E.F. JIN que sacó partíu de los munchos despistes de los nuesos, y el Veriña C que con diez minuto brillosos d’unu de los sos xugadores y otros diez minutos horrorosos de los nuesos llevóse’l partíu con comodidá, respectivamente.

Tocantes a los prebenjamines, l’A sigue agabitáu a los puestos de riba a la espera de dellos enfrentamientos directos y el so duelu col Veriña B, ente que los más pequenos a pesar de la derrota siguen retayando significativamente los marcadores de la primer vuelta.

Posiblemente echeis de menos al nuesu equipu rexonal. Como comentábamos la selmana pasada, güei van saltar a los campos de la Federación de Roces a les 21:00 pa forfugar les sos opciones d’ascensu ante l’Arenas del Sella.

¿Y ónde van xugar los nuesos equipos esta fin de selmana? La respuesta un pocu más embaxo. Como siempres, ¡PUXA CIARES!

[eventlist start=”2014-02-21″ end=”2014-02-24″ limit=10]