La Escuela Mixta de Fútbol podrá entrenar y xugar en Ciares
El plenu del conceyu aprobó la construcción d’unas instalaciones nueves de xestión municipal na contorna de Los Pericones, nes cuales van asignase hores d’usu.
La Escuela Mista de Fútbol, resultáu del acuerdu de collaboración ente’l nuestru club y el Xixón Fútbol Femenín col oxetivu de crear la primer cantera paritaria de la ciudá, recibió güei una buena noticia. El pleno del Ayuntamientu de Xixón aprobó una propuesta de Xixón Sí Puede previu acuerdu col PSOE (y qu’únicamente contó cola oposición de Ciudadanos) que contemplaba la creación d’unes instalaciones d’herba sintético de xestión municipal na contorna de Los Pericones, col oxetivu de meyorar les condiciones del fútbol base na zona y n’especial les del fútbol femenín.
Nestes instalaciones la Escuela Mixta de fútbol podrá contar con hores d’entrenamientu y partíu nunos horarios racionales que permitan, como recueyen los oxetivos de la escuela, desarrollar el fútbol femenín hasta conseguir cuntar con una estructura sólida en toles categoríes, que permita a les neñes y moces practicar esti deporte n’igualdá de condiciones que los sos compañeros.
Así mesmo, y tamién dientro de les metes que marca l’acuerdu de collaboración, conseguir mediante les actividaes conxuntes y la interacción ente los equipos masculinos y femeninos de la escuela, normalizar la práctica del fútbol femenín non sólo ente les neñes, sinón influyir na percepción que los neños, que nel futuru van ser padres y educadores, tienen sobre él, acabando nes xeneraciones futures cola estigmatización y el sexismu que sufren anguaño les futbolistes.
Por último, al xugar los equipos del Xixón Fútbol Femenín na contorna del barriu, va resultanos más fácil implicar a la masa social del U.C. Ciares nel fútbol femenín, y por tanto meyorar les afluencies de públicu a los partíos y treslladar l’atmósfera de La Cruz y la pasión del barriu pol fútbol a los partidos de les moces.
En definitiva, continuar trabayando pa garantizar que les muyeres sean y se sientan futbolises de plenu derechu, y que’l barriu tenga dos escudos, pero un solu corazón.