[El Olivo 0-3 Xixón F.F.] Lanzaes hacia la zona media
![El Olivo lanza una falta ante el Gijón Femenino](/wp-content/themes/yootheme/cache/08/el_olivo_gijon_ff-082f5c1a.jpeg)
El Xixón impónse en tierres gallegues y engancha cola zona media de la tabla.
![El Olivo llanza una falta ente'l Xixón Femenín](https://www.ucceares.com/wp-content/uploads/el_olivo_gijon_ff.jpg)
Aun alcontrando un El Olivo n’hores baxes, que yá encadena cinco derrotes consecutives y s’aveta peligrosamente a los puestos de descensu, a naide se-y escapaba lo peligrosu d’esti conxuntu y la so condición como vixente campeón de la categoría nes tres temporaes pasaes.
Ye por ello que, fieles al so estilu, les xixoneses salieron mui xuntes y apretando bien fuerte en toles estayes del prau. Quiciaves por mor d’esa intensidá, na primer llegada d’El Olivo l’árbitru decreta penalti por un agarrón de Tifi. Prepárase la delantera viguesa, pega-y duro, llixeramente escoráo a la izquierda, xusto onde Vane, qu’aguantara en posición, pon la pierna pa desviar a corner. Volvía la guardameta a apaecer xusto cuando l’equipu lo necesitaba. Nun diba ser la última vez nel partíu, yá qu’a los pocos minutos desbarataba un mano a mano pa desesperación del conxuntu llocal.
El Olivo 0 – 3 Xixón F.F.
El Olivo: Ainoha, Silvia (Marta 61′), Ainoa, Desiree, Natalia, Sara (Raquel 46′), Mónica, Maria (Lisa 46′) , Angela, Alba (Mónica 75′), Tamara, Ines
Xixón F.F.: Vanesa, Maribel, Ana Simón, Tifi (Gema 68′), Raquel (Elvira 70′), Aida, Lydia Vela, Mayra, Zara, Laura Ramos, Carla (Marina 82′)
Goles:
0-1 Raquel 13′
0-2 Lydia Vela 37′
0-3 Mayra 45′
Árbitru: Abadín Fernández, del Colexu Gallegj. Amonestó a Inés, María y Tamara poles llocales y a Tifi poles visitantes.
Incidencies: Partíu xugáu nel Campo de Pahiño, prau sintético.
Y si nos primeros compases el Xixón tiró de veteranía, a los pocos minutos faeríalo de mocedá. Lydia Vela arranca pela banda hasta la llínia de fondu y habilita a Raquel que golpea de primeres a media altura mui axustao al palu, onde nun puede llegar Ahinhoa Guijarro.
Los últimos minutos de la primer parte diben decidir el partíu. Corría’l minutu trenta y siete cuando un balón sueltu nel área viguesa acaba nos pies de Lydia, que golpea duro a la derecha de la meta galaica pa subir un gol más al marcador. Reaccionó El Olivo, acercóse con peligru, tuvo les sos ocasiones, pero volvió a atopase con Vanesa. Pa rematar, nunca meyor dichu, Mayra encargábase de poner el cero a tres nel marcador nuna incorporación a un llanzamientu d’esquina rondando yá’l minutu cuarenta y cinco de partíu. Buena primer parte, grandísimu resultáu, pero nun cabía confiase en vista de lo asocedíu nel partíu de dida, onde l’ún a cero xixonés al descansu acabó enterráu en cuatro goles visitantes en sólo cuarenta y cinco minutos.
Pa desgracia de les d’El Olivo, poco se paez esi equipo de la primer vuelta al actual en cuanto a les tarees defensives. Na segunda parte, El Olivo intentólo too, como nun podía ser d’otra manera, pero-y costaba llegar y cuando lo facía atopaba una zaga teyera que nun facía concesiones y con Vane resolviendo’l so trabayu con absoluta solvencia. Pasaben los minutos y les xixoneses taben mui cómodes en prau, mui series y controlando’l partíu en tou momentu.
Con esta tónica llegábase al final del partíu. Tres puntos vitales que nos allueñen a cinco del descensu y nos enganchen a la zona media, gracies a un gran trabayu d’equipu y a un partíu excepcional de, sería inxustu nun decilo de nuevu, Vanesa De Pedro, guardameta del Xixón Fútbol Femenín.