Plenu en pista: resumen y horarios del fútbol base
Encaramos con especial interés esta xornada yá que se da la casualidá de que l’equipu filial y el xuvenil van xugar los sos partíos a la mesma hora nos dos campos de la Federación de Roces, xusto tres el pitíu final del primer equipu en La Cruz. La escusa perfecta pa esfrutar d’otros 90 minutos de puru Ciares.
Filial
Club Europa 1 – 2 U.C. Ceares B
Nueva victoria a casa per parte de el chavales del filial, grupu que ta cumpliendo en demasía les mires y qu’ensin dulda va engarrar pol ascensu anguaño.
Nesta ocasión enfrentábense a tou un hestóricu del fútbol asturianu como l’Europa, qu’a pesar de los sos 13 temporaes en tercer división nun ta viviendo les sos meyores hores, lo que nun torga que llantaren cara y vendieren cara la derrota nel Municipal de Nava.
Xuveniles
U.C. Ceares 1 – 3 Asunción C.F. B
Saltaba la sorpresa na mañanera del domingu cuando l’equipu xuvenil perdía en casa por un gol a trés ante l’asunción, nun partíu non exentu de discutiniu yá que el gol que camudó l’aldu del partíu consiguiose de manera illegal al suxetar claramente un atacante al porteru ciarista y torgar qu’esti atrapara’l balón nuna xugada ensin mayor trescendencia.
El sábadu a les 18 nos campos de la Federación, Oriamendi F.S. – O.C. Ceares.
Alevines
U.C. Ceares 0 – 7 S.D. Atlético Camocha
La temporada del equipu alevín ta siendo un auténticu monte rusu, motiváu poles diferencies ente los equipos integraos por xugadores de primer y segundu añu, lo que condiciona la clasificación y crea prácticamente dos amiestes dientro del mesmu grupu. Si esti día goliaron a un equipu de la so edá, nesta xornada tocó-yos sufrir contra los veteranos de la categoría, y esto sumáu a la falta de concentración en ciertes fases del partíu condicionó la resultancia.
Benxamines
U.C. Ceares 3 – 1 Puerto de Gijón
Partíu que nun se decidió hasta los minutos finales, y nel que los de Aimara y Rocío tuvieron que remontar una resultancia adversa gracies al gol consiguíu polos portuarios na primer metá.
Puerto de Gijón B 1 – 8 U.C. Ceares B
Dominiu completu per parte del benxamin B que nun dio opción al Puertu de Xixón, que cuntaba con un par de baxes importantes. La resultancia de la primer parte, 1-7, dió pasu a una segunda onde hubo poques ocasiones pa dambos equipos.
U.C. Ceares C 6 – 5 Colegio Inmaculada C
Frenéticos minutos finales debíos en gran parte a la fortaleza d’un equipu colexal de segundu añu, onde los nuesos redrueyos viéronse arrequexaos y a pesar de dexar trés goles, consiguieron caltener el marcador al so favor gracies a la renta (6-2) cola que se fueron al descansu. Meritoriu partíu per dambos llaos y munchos nervios pa l’afición rexuntada nes graes del pabellón de Ciares.
Prebenjamines
Xeitosa B 1 – 4 U.C. Ceares
Los seis victories consecutives d’esti equipu falen por si soles sobre la so progresión, y siguen disparaos escontra lo alto de la tabla, esta vegada gracies a una victoria a casa d’un rival qu’a pesar del marcador nun lu punxo fácil.
U.C. Ceares B 8 – 0 IMO F.S.
Los héroes de la jornada.
La noticia de la xornada, que completa’l plenu de los equipos de pista, ye ensin dulda la primer victoria del Prebenxamín B. Gran partíu de los locales, qu’adulces van aprendiendo los rellabicos del fútbol federáu y afaciéndose a la categoría. ¡Norabona!
El reló va cuntando y nuna fin de selmana frenético, con tolos partíos del U.C. Ceares en Sábadu, va ser l’equipu alevín el que tríe’l sable d’El Frontón de primeres, un mini derby de tercera a la vieya usanza. Vemos nes pistes y campos de Xixón, ¡PUXA CIARES!
Horarios:
[eventlist start=”2013-11-22″ end=”2013-11-25″ limit=10]