Presentación del Campus Femenín de Tecnificación Intensiva
Güei presentamos el nuesu Campus, un eventu especial diseñau pa neñes nacíes ente 2011 y 2019. Esti campus forma parte del desendolcu del conveniu ente’l Gijón Fútbol Femenino y el Real Sporting de Gijón, col oxetivu de pluyir pol fútbol femenín nestes edaes.
Na presentación tuvieron con nos les xugadores del Real Sporting: Lucía Valle, Olaya, Carla y Ari, mientres que pol Gijón Fútbol Femenino fueron Inés, Natalia, Naia y Granja las encargaes de representar al club.
El campus va desendolcase en dos turnos: el primer turno va ser el 5 y 6 de xunu, y el segundu turno va ser el 12 y 13 de xunu. Ambos turnos van desendolcase na yerba natural del Campu La Cruz (Ciares), de 17:00 a 20:00.
Como equipu téunicu del campus vamos cuntar con entrenadores y entrenadores titulaos así como cola presencia de xugadores del primer equipu del Gijón Fútbol Femenino. Esti grupu va compartir los sos conocimientos y esperiencies coles participantes nes dos xornaes de mou que les que se tan averando por primera vegada al fútbol puedan facelo nel meyor ambiente.
Pa los acompañantes, la cantina va tar abierta mientres el campus pa facer l’espera lo más prestosa posible.
Esti campus ye una bona oportunidá pa que les neñes aprendan y se desendolquen nun ambiente positivu y estimulante, rodeaes de modelos a siguir nun club que lleva munchos años apoyando y esfrutando’l fútbol femenín. ¡Esperámosvos!