[Previa Roces] Al sur del norte

Caprichos del bombu, primer xornada de lliga y primer derbi: los deos equipos del sur de Xixón enfréntense nel debut na Tercer División d’Asturies del TSK Roces. Sera mañana a les 18:00 hores.

Ye un partíu con muncha incertidumbre, lloñe queda l’amistosu de la selmana pasada onde finaron 0-0 y sirvió pa probar táutiques y posiciones. El memorial Giovanni ganábalu’l Ciares, tres empatar col Roces, y derrotar por 1-0 al Vetusta.

El TSK decidió mantener el so bloque de la postrera temporada. Sólo 5 fichaxes llegaron esti añu a Covandoga. Aunque eso sí, de caláu. Per un llau, Borja Arroyabe, dende l’Urraca y que vinía de disputar grandes temporades nel L.luarca de Pablo Lago. Jairo, del Avilés B, o Cris, del Rayu Carbayín. Xunto a ellos, un de los xugadores más queridos por La Cruz, Nijo, que parez que va xugar a pierna camudada.

Con Nijo, dos xugadores más pa la señaldá. Per un llau el gran Teto, y per otru, Pelayo. Un xugador por llínea con pasáu ciarista.

Pol lláu teyeru, Pablo Martínez y Raúl continúen entrenando a menor ritmu, aunque dambos tocaron balón esta selmana. Pola so parte a Fonso daben-y un güelpe na boca que parez nun-y va impedir vistise de curtio. Enta por decidir los xugadores parez que’l sistema ta claru, 4 atrás, 2 mediocentros, 2 estremos, y un mediapunta y un punta xugando muy cerca. Seguros atrás y rápidos enriba, la seña d’identidá per agora.

Los socios ciaristas con carnet renováu entrarán al campu por sólo 6 euros, agradecemos el xestu al TSK Roces. Espérase pues gran afluencia de ciaristas nel desplazamientu mar curtiu de la temporada.

¡PUXA CIARES!