[SÁB 19:30h] III Troféu ‘Pepe Ortiz’: UC Ceares – Real Avilés

Sábadu 27, 19:30 en La Cruz: UNIÓN CLUB CEARES – REAL AVILÉS

Entrada única: 3€

Cunten los más veteranos de La Cruz que pequí pasaron grandes xugadores, pero que’l meyor xugador de la hestoria del barriu enxamás llegó a vistir la camiseta de la Unión Club Ceares. Pepe Ortiz yera un mediocampista ofensivu o delanteru qu’entamó xugando en distintos equipos humildes de Xixón como’l Tucán F.C. de Ciares, hasta qu’en 1948, a los 17 años, fichó pol Real Sporting de Gijón. Ellí tuvo 16 temporaes, convirtiéndose nuna lleenda tantu del Sporting como de la ciudá, y de xacíu, del barriu. Amás, darréu foi delegáu sportinguista mientres 32 años, hasta 1995. Pocos años dempués, en 2001, finaba tres una vida entera dedicada al fútbol. Tres el so fallecimientu recibió diversos homenaxes: anguaño’l principal campu de Mareo lleva’l so nome, según una cai nel barriu de Ciares que-y vio nacer.

Nós nun quixímos ser menos, y dende va trés temporaes reconocemos la figura del meyor xugador de la hestoria del nuesu barriu dedicando un troféu a la so memoria. Si nes dos causes anteriores visitónos el Real Sporting ‘B’, nesta ocasión va facelo otru conxuntu de Segunda División B, el Real Avilés, a quien estimamos la so predisposición pa venir a La Cruz y apostar por esti troféu.

Esperámosvos el Sábadu en La Cruz.