Sigue la campaña de socios: lo nueso ye otra hestoria
Sigue la campaña de socios y socies de cara a la temporada del nuestru 70 aniversariu.
Na temporada del 70 aniversariu, entamamos la nuestra campaña d’altes y renovaciones. Una temporada d’ilusión pola celebración d’un aniversariu arrodiáu d’actividá social, qu’amuesa la gran vida que da la nuestra masa social al club y al barriu. Y no deportivu tamién ilusión pol entamu del proyectu qu’encabeza Tino del Corzo.
Recordamos que ser sociu o socia nun solo implica tener accesu a los partíos de lliga en La Cruz, si non que permite acudir a los conceyos pa decidir el rumbu del club, asina como facer propuestes o tar informáu de la situación xeneral del club, amás d’otros beneficios como’l Día del Acompañante, descuentos en partíoos fuera de casa, accesu a los partíos del fútbol base de prau, accesu a los partíos del Gijón Femenino, etc. Ser sociu o socia ye ser propietariu del club xunto a cientos de persones más, colos sos derechos y les sos responsabilidaes.
El conceyu xeneral de socios decidió caltener los precios de la campaña pasada:
- Proteutor/a – 100€ (o más)
- Adultu/a – 80€
- Sub30 / Paráu/ada / Pensionista – 40€
- Sub 18 – 10€
Protector ye una categoría que surde pa reconocer a aquelles persones que correspondiéndo-yos un preciu determináu, deciden voluntariamente aportar 100€ o incluso más pa beneficiu del club. La categoría d’adulta o adultu ye la categoría estándar, mientres que les categoríes sub30 (30 años incluyíos), paraes y pensionista tienen de ser acreditaes. Por último, a pesar de que la mocedás de la categoría Sub18 (18 años incluyíos) nun paguen entrada por ver los partíos en La Cruz, sacar el carnet de socios conviértelos en miembros de la institución colos derechos qu’implica, amás d’obtener el númberu de sociu o socia correspondiente.
L’horariu pa asociase al U.C. Ceares ye Martes y Xueves de 19:30 a 21:30 nel nuestru prau de La Cruz, amás de los díes de partíu.
¿Entovía duldes si facete sociu o socia? Dempués de 70 años, tenemos claro que lo nuestru ye otra historia: