Un buen puntu que pudieron ser 3
Ceares 0 – 0 Langreo
U.C. Ceares: Kike; Fonsi, Lozano, Aitor, Óscar; Juan Carlos, Pichón; Pelayo (Meana, min 93), Jimmy (Pablo Martínez, min 86), Borja Argüelles y Ponte (Rubo, min 60).
U.P. Langreo: Guillermo, Cristian, Manu Blanco (Nuño, min 83), Otero, Saavedra, Borja, Acebal (Luis, min 75), Alfonso, Mendi (Carly, min 67), Pablo Díaz y Chus
Árbitro: Toyos Acosta (Oviedo). Amonestó a los visitantes Mendi y Costa.
Espectadores: 400
Segundu partíu de la temporada como llocales ya segundu partíu con bon ambiente en La Cruz. Esta vegada estrenábamos horariu mañaneru pa recibir a la Unión Popular de Llangréu, un de los equipos favoritos pal ascensu, y eso facíanos ser cautos al tiempu que lo qu’avino nos partíos anteriores puxábanos a ser ambiciosos.
Los xugadores de Nacho Cabo tardaron bien poco en mete-yos el mieu nel cuerpu a los llangreanos cuando nel minutu 3, Pichón, aína xugador de la UPL, metia-y un balon en profundidá a Jimmy que nun pudo driblar a Guillermo. Nel minutu 17 yera Juan Carlos quien facía lo mesmo esta vegada con Álvaro Ponte y nuevamente Guillermo estenaba pa que dempués Pepe Saavedra alloñase’l peligru sobre la llinea de gol. Un cuartu d’hora dempués llegaba una nueva ocasión; falta llateral sacada por Óscar Ruiz que otra vegada remataba Ponte, pero el balon salía penriba del llargueru. Taba claro que los nuesos rapazos diben con enfotu a polos del Nalón. El Llangréu trato de revolvese, pero la so sóleda ocasión de la primera parte vino nel minutu 35 con un remate de Pablo Díaz que Kike estenó nuna espectacular parada.
Les coses nun camudaron na segunda metá. Nel minutu 53 Guillermo, per atentu tou’l partíu, corta un nuevu pase afondigáu hacia Jimmy. El Langréu probaba con balones llargos pa Carly y Chus, pero Lozano y Aitor Cañedo mostrabense contundentes. Ya nel tiempu de descuentu’l partíu pudo cayer d’ambes partes. Pasáu’l 90, una bona xugada fina col cientru’l area que Borja Argüelles remata de cabeza fallando por bien poco, y nel minutu 94 Otero engancha’l balón dempues d’una abeyera y mándalu penriba la meta llocal.
Al final repartu de puntos en La Cruz y la aseguranza de poder planta-y cara a un de los meyores equipos de la categoría, tal puntu de pensar que con mas fortuna los tres puntos podien haber quedao en La Teyerona. Dos partíos en casa, 4 puntos, y una media averada a los 500 espectadores, eso mas el puntu del Urraca déxanos unos númberos pa ser optimistas y seguir creyendo n’otra temporada en Tercera División.