Xixón F. Femenino 0-4 Atlántida Matamá
Partíu prestosu esti fin de selmana nos Campos Federativos de Roces.
Xixón F.F. 0 – 4 Atlántida
Xixón: Lorena, Ana Simón, Laura, Gema (Maribel 50′), Mayra (Sara Treviño 80′), Tifi, Lydia Vela, Zara Prieto, Carla, Paula (Raquel 70′) y Aida
Atlántida: Kily, Noelia (Ruzo 73′), Graza, Laura, Ana, Lorena, Luca, Caroline (Puyi 73′), Lucía Becerra (Carla 55′), Paula y Noe
Goles:
0-1: Lore 7′
0-2: Lore 19′
0-3: Caroline 73′
0-3: Noe 75′
Nada pudieron facer les rapaces de Luengo, con el poderíu físicu de les gallegues. Esforzaronse enforma, pero pagaron la bisoñez na categoría.
Salieron per fuerte les del conceyu de Vigo, faciendo dañu con balones al llombu la defensa, lo que fizo qu’al minutu veinte ya tuvieren el partíu encarriláu.
De siguio igualose too sobre’l campu, y les llocales aínda tuvieron delles ocasiones pa recortar distancies, pero nun pudieron materializales.
Pasáu el minutu setenta un nuevu tren de goles, asemeyáu a la primer parte, dexaba claro que les gallegues diben tar percima esta vegada.
Esti fin de selmana, espéranos un S.D. Tordoia que vien de ser goliáu na primer xornada.